په افغانستان کې د طالبانو حکومت وايي، تېره شپه “پاکستان” له ډيورنډ کرښې سره څېرمه په خوست، پکتیکا او کونړ ولايتونو هوايي بريدونه کړي چې د نهو ماشومانو په ګډون لږ تر لږه لس ولسي وګړي پکې وژل شوي دي. ذبیح الله مجاهد وايي په مناسب وخت کې به ددې برید په تړاو پاکستان ته لازم ځواب ورکړي. د پاکستان د دولتي رسنیو د راپور له مخې د پاکستان پوځ ویلي دوی هېڅکله هم ملکي وګړي نه په نښه کوي او نه هم بې له مخکې خبرتیا برید کوي.
English