د قطر پلازمېنه دوحه کې د حماس پر اهدافو د اسرائيلو هوايي بریدونه په نړیواله کچه سخت غندل شوي دي. اروپايي ټولنې دا بریدونه د نړیوالو قوانینو سرغړونه بللې ده، په داسې حال کې چې د خلیج همکارۍ شورا دا بریدونه “کرغېړن” عمل بللي دي، او د نړۍ له هېوادونو یې غوښتي چې اسرائیل وغندي او د بنیامین نتنیاهو حکومت مسؤل وګڼي. د ملګرو ملتونو امنیت شورا به د بریدونو وروسته یوه بېړنۍ غونډه کوي. د راپورونو له مخې ټاکل شوې ده چې دا غونډه د چهارشنبې په ورځ په نیویارک کې د امنیت شورا غړو په ګډون جوړه شي.
English