له هغه وروسته چې ټرمپ وویل، پر اوربند توافق شوی، ایران وايي، که اسرائیل بریدونه ودروي، دوی به هم همداسې وکړي

د ایران بهرنیو چارو وزیر سید عباس عراقچي لږ مخکې په یوه اېکس پیغام کې وویل، که اسرائیل ”خپل غیر قانوني یرغل” همدا اوس ودروي، ایران د ځوابي اقداماتو دوام هېڅ نیت نه لري. له دې مخکې د امریکا ولسمشر ډونلډ ټرمپ پر خواله رسنۍ د اسرائیل او ایران تر منځ د ”بشپړ او ټولټال” اوربند اعلان وکړ.